投資回顧

市場環境

美國債券權評下降, 按道理應該沽售, 但為什麼債息 keep 住下降, 資金繼續向美債流入??   因為大家都知美國係會不停印銀紙, 阻止違約, 所以連巴菲特都講到明唔會賣美債.

評級下降係百年一遇, 對經濟影響無人會知; 有人估計, 美債評級下調, 相對銀行債券評級/其他國家債券評級都會下調, 減少市場興趣, 引發資金短缺, 息口增加, 通賬增加;

一連串好多好多問題, 亦有唔少陰謀論, 話標譜與美國政府串通, 來找借口出台極大規模的 QE3, 以減底(拖延)債務問題; http://www.881903.com/blog/front/blogdetail.aspx?postid=39526&blogid=19442

不論點都好, 經濟影響真係太複雜, 特別與政治掛鈎, 美國也好, 歐洲也好; 股票還是見步行步, 持有的股票對經濟周期/外圍經濟真的關聯比較少, 再跌就再減持; 就算熊市也好, 大家都係估計 18000 為底部, 即仲有 10% 下跌空間, 仲承受得住; 

股仔今日表現

強勢再現

398 @5.74    東方錶  +3.0%    上周五穿20天線, 早段再跌 5%, 以為好景不再, 今日又有番少少生氣, 尾市抽升;   (590, 116 今日都 +5%收市) 明天彈力可持續 ?? (PE13.7)

855 @2.49   中國水務  +3.7%    公用股防守性強, 但升主要靠回購 , 再跌都應該支持唔到幾耐;

 

上周未破, 今日全線跌破底位

1068  雨潤 @20.4    -5.1%    底見19.5元, 下午回升; (PE13.1)

1072  東方電機 @24.9  -3.7%    上周較硬淨的, 今日大回, 下午回升賣出;

868    信義玻璃 @6.26 -2.56%    相對較少跌幅, 因為早前已跌左好多; 

2233  西部水泥 @2.1  -6.2%      跌破番穆迪插旗底位, 水泥股相對轉強;

1280  滙銀 @1.22          -14%     破位後大跌;

 

今日交易

最後今日減持 2隻, 增持1隻   

sell  3998 @ 2.01  (半年 -17.7%) 

sell 1072 @ 25      (3 weeks -6.2%) 

buy 1280 @ 1.2    (1.22收市)   單日跌 14%,  明顯超賣,  希望聽日個市反彈,  順勢彈番 d;  (target 1.3)   plan buy 2233 @ 2.02   失敗,  最後 2.11  收市 仍然放入觀察名單,   去年 PE 都係 6.84,  今年隻隻水泥都發盈喜,  業績唔升倍都升 50% ;   

另一觀察名單 716,   早前發盈喜, 穿1年底位, 今日急跌 15%, 收市回 至 10%  (PE7.1) 

減磅的先後次序 （引紅猴兄）

同意紅猴兄，減磅有先後：

若決定要減磅，可先考慮業務受歐美經濟放緩影響的公司及波動大的​炒家股，其次是高負債及高PE(相對過往數年平均PE為高)，因市場或會因風險胃納下降而調低估值PE。為增強防守力，可盡​量保留高息股。若決定趁低吸納，這是每個人的個人意願，最重要贏​輸都是自己負責。


紅猴已減至39%現金，我就減至20% cash, 要考慮再減持。

投資回顧

市場環境

歐債問題令信心擴大 / 美歐經濟數據差 / 美國政府對債務政策緩慢, 美債被降級風險增;  

星期四美道指已跌左先, 大跌 500點, 08年2月金融風暴後最大單日跌幅;

香港跟住跌;  

奇怪今次大跌, 連黃金, 石油, 各外幣對美元都大跌;

股仔今日表現

強勢不再

398 @5.57    東方錶  -6.2%    近2日大幅回吐, 今日再借勢向下, 應該好景不再,

                                      但市好番, 會唔會強烈反彈 ?? 都跌左咁多, 再等下; (PE12.2)

 

跌回近期底位

1068  雨潤 @21.5    -4.8%    去番先前既底位, 又打回原形, 又要等好多日先爬番上去.(PE13.1)

1072  東方電機 @25.85  -3.3%    最多跌 8%,  25.2 全年最底位, 總算有支持, 暫時打回原形(PE16)

868    信義玻璃 @6.26 -4.1%    近期都試過底位, 今日都仲未跌番去;  (PE13.7)

2233  西部水泥 @2.24  -5.8%  今日去番穆迪插旗個底位, 無得升啦, 水泥股.  (PE 6.97)

1280  滙銀 @1.42          -5.8%   回番去近期底位 (PE12.5)

 

跌破近期底位

2369  中國無線   -8.0%  借勢穿埋近期底位至1.35, 無機會了, set 高位1.42 走人, 估唔到尾市抽上 1.65, 最後1.58 (+4.5%) 收市;  

855  中國水務     -4.7%   先前年底位有支持, 今日借勢破埋, 但水務股都係 stable, 跌極有限, 唔理佢了

 

觀察名單

215  @ 7.9 -5.8%   跟大市回, 很多 blogger 投資者都 keep 住佢同315, 唔通市差佢地真係可以跑赢?!  (PE17.4)

3323 @14.9   -5.8%  回番去100天線, 如果有支持, 可能有機會上, 始終美國經濟差, 同中國水泥業無乜關係; (PE18.4)

716  @2.4  -11.4% 美國唔好, 航運股率先下跌, 大跌市佢都跌得快 d;  基本條件幾好都無用, 股價係反映預期!  穿晒之前的底位, 有排觀察了! (PE 7.23)

我手上都是中細股, 買入果時都已經係大跌 / 買入後, 都已經大跌了, 星期五跌市都係跌 2~5% , 同平時差不多, 對中小型股, 5%上落好正常;

 

驚係驚係恒指同 D 大股都跌3~5%,  平時好穏陣既都跌咁多;

另一樣可怕既, 就係將 d 強勢股一下拉番落黎!!

既然跌左咁多, 前景未知, hold 住先;  先賣 2369 減持;

外匯儲備只能儲不能用 (轉 C觀點 - 施永青)

 C觀點 - 施永青: 外匯儲備只能儲不能用  
 2011年08月05日
新聞 P.12

原本想談談中國應該如何保護好自己龐大的外匯儲備問題，但發覺很多人對外匯儲備是甚麼也未搞清楚，即使是教金融經濟的學者，有時也會概念模糊，因此得先向讀者介紹一下外匯儲備的基本知識，才可以進一步討論如何保護外匯儲備問題。 有人主張，把外匯儲備「還富於民」，這是對外匯儲備是甚麼也未弄清楚才會有的說法。中國的外匯儲備，並不是人民存在人民銀行的外幣存款。如果是這樣，當然可以把錢還給人民。但中國的外匯儲備並不是政府從人民手上刮回來的，而是用人民幣向民間兌換回來的。民間有人做生意，有產品出口，或賣了資產給外國投資者，就會收到外幣。 

 過去有段時間，中國政府不許民間存有外幣，所以只好把外幣賣給政府，兌換成人民幣，而政府手上就會有了一筆外匯儲備。 人民在以上的過程中，已拿回錢(人民幣)，可以在社會裡消費與投資，政府怎可能又把外匯再次還給人民？豈不是同一筆錢，變成兩筆錢來用？如果民間產生的財富只有一筆，錢卻一變二重複使用，中國不急劇通脹才怪。 這筆錢不但不可以還給人民使用，政府自己也不可以用，一樣會引起通脹。在帳目上，這筆錢根本不是屬於政府的錢，不是政府的財政盈餘，在法理上政府根本不可以動用。 這筆錢只能拿來作儲備，因為它是政府印人民幣向民間兌換外幣的基礎與根據。政府要預備民間可能有朝一日要求把人民幣兌回外幣。譬如，民間若果生意做得不好，外貿出現逆差，就會有公司欠外國錢，他們就需要用人民幣兌外幣找數。 此外，在中國的外來投資者，他們來的時候，用外幣兌人民幣，亦成了外匯儲備的一部分；他們走的時候，只要交足稅，就可以把本金與利潤一併兌成外幣調走。 

 中國政府必須保留外匯儲備，以應付以上可能出現的情況。 在本質上，外匯儲備不等同政府的財政盈餘，政府不能隨便動用。有學者建議，中國政府可利用外匯儲備來減稅、進口天然資源、送優秀學生出外留學，以及用作改善老人福利。這是行不通的，如果真的這樣做，中國的財政一定帳目大亂，重蹈國民黨晚期的覆轍。 作為外匯儲備，只能儲存備用，不可以作消耗性的花費。政府的金融管理部門，可以拿這筆外匯買資產，求保值(甚至謀求增值，但不可以太進取，以免招來額外的風險)；但不能用在經常性的財政開支上。 傳統上，大部分政府都是拿外匯儲備來買評級高的債券，尤以美國國庫債券為主，貪其可靠穩定，套現容易。可惜，金融海嘯之後，美國的金融系統已面臨破產的風險，中國若不重新作出部署，危機一旦爆發，可以招致嚴重損失。 印度與南韓最近就把部分外匯儲備拿來買黃金，中國似乎也在等機會，但行動未夠快。現在黃金雖已升了不少，再去追好像已吃虧，但也應該好過持有太多的美國債券。因版面調動，專欄《香港人香港史》將於「小歇」版、逢周四、五刊登，敬希垂注。


本文章內容之版權由AM730所有。

日圓好戲還在后頭 (引 劉振業)

引 :  交通銀行（香港）環球金融市場部 劉振業    
http://www.hkcd.com.hk/content/2011-08/03/content_2787220.htm

     日圓今回破十算，其實都不怎是一回事。論近期強勢，瑞郎及紐元比它更強。再遠些對比自2009年3月美元見底一刻至今，日圓所謂的強，比起其他主要貨幣，根本就不值一談。另外，坊間亦不斷有人問：日圓會否突破歷史高位（指311地震后的76.25）？基本上，二戰前，日圓已曾經高見1.97兌1美元。311地震后的76.25，只可說是二戰后高位而已，而不是歷史高位。

      日圓自2000年來，都是套息的主要貨幣。大家先看表一，由2000年至2007年的貨幣大牛市中，對比不同貨幣兌美元之直盤，日圓交叉盤的升勢更為強勁，顯示炒家利用日圓作套息十分普遍。無他，日銀在2006年才展開加息周期，但所謂的周期，亦只是增加50點子，比其他國家動輒200至300點子的加息，簡直就是小巫見大巫，故利用日圓作套息的風氣可謂曾經盛極一時。不過，盛極一時亦可隨時變成盛極必衰。      表一可見，自2008年底及2009年初至今，非美貨幣兌美元直盤的升勢反超日圓交叉盤，當中尤以歐元及英鎊為甚，顯示自金融海嘯后，美元成為推動主要貨幣向上的一大誘因。基本上，與2000年初一樣，大家何不是同樣炒套息？不過金融海嘯至今美國的超低息及大印銀紙政策，令美元成為日圓以外另一套息的寵兒。故此，2000年至2007年及2009年后的貨幣大牛市，本質上看似相同，但實質性的操作卻并不盡是。

      日圓與美元是2007年前后匯市大牛的兩大功臣，原來在商品市場上亦出現類似情况。看表二，在2000年后至2007年間，商品貨幣兌美元及日圓之交叉盤與商品（CRB商品指數，下同）的相關性大致相若，顯示兩者均是商品大牛市的始作俑者。不過2009年后，商品與日圓交叉盤的相關性大幅降低，相反跟美元直盤的相關性卻仍保持在相當水平。在此可見，除了貨幣市場外，2009年后，日圓的套息角色已經被美元取代成為推動商品向上的主要動力。      綜合以上兩個現象，可確認現時日圓的套息貨幣地位已經大受動搖。若果被用作套息的貨幣皆會被推低是常理的話，只要大鱷仍漠視日圓，日圓難跌矣！

      最后，當然不可不談息差。日本低通脹，無力加息，人所共知。息差本是匯率強弱之根本，不過風險事件頻繁，都把這傳統理念扭曲。若以經濟前景測日圓，更隨時焦頭爛額。炒美元套息，第三季仍不乏機會，主因是美國加息之風還未盛行，美元反彈過后仍然無運行，一眾貨幣兌美元仍會發力向上，日圓亦不例外。懶理日本央行出手干預，每次干預都是「無料到」，何况美元弱得很，日圓不升才奇。下半年，若意大利債務危機炒得起，日圓又何止十算呢？

      說到底，今日的日圓已經不是往日的日圓。日圓升破十算，大家不用驚訝，好戲還在后頭。

歐債危機無可收拾既後果 (引孫柏文)

孫柏文: 將會非常刺激的8月  

兩個禮拜前，在7月20日，孫柏文用咗支強力《大明燈》咁照出咗一篇題為「擠提在即歐元玩完」嘅文章。裡面我話過，歐洲債務危機，已經到咗無可收拾嘅階段。因為歐債危機，已經唔係嗰啲得幾百萬人口國家，例如愛爾蘭、葡萄牙等嘅「小」事，而係開始蔓延至全球第三大國債市場意大利。 當意大利唔可以喺公開市場借錢，或者要出天價利息先借到錢時，佢哋到期要還舊數之際，就會冇新錢還債。喺咁嘅情況，如果係啲得幾百萬人口嘅小國，歐盟各國領袖、歐洲央行、國際貨幣基金組織(IMF)等，就會開高峰會，開完喺記者招待會到大大聲話：「我哋有實力嘅國家會孭呢條數做擔保！XX國政府會聽聽話話慳啲使！」之後就可以換幾個月嘅穩定，直至被擔保嘅政府又使凸、借唔到錢為止。 不過，如果係意大利，雖然所有官員都會用番同一板斧，又會話：「我哋有實力嘅國家，會孭呢條數做擔保！」不過今次市場就會答：「擔保？唔係話你哋冇誠意，不過只係怕你哋有心冇力。」仲要一路用口答，一路用手拋售手上嘅意大利國債。 多唔好講，淨係滙豐控股(005)喺當地借俾歐豬幾國政府、銀行及企業都有差唔多300億美元(約2,340億港元)，雖然比佢哋當年好神勇咁買咗500億美元(約3,900億港元)美國次按(仲要係冇得攞番層樓嘅二按)債券少，不過，絕對多過佢哋半年賺嘅89億美元(約694億港元) 。 咁喺兩個禮拜前嘅文章中，我話過歐債危機最危險嘅地方，就係持有呢啲債券嘅銀行，被佢哋啲債主(即係存戶)擠提。銀行喺呢個情況之下，唯有進一步拋售手上嘅國債，令債券價格下跌，債息升，國家、政府更難借新錢還舊債，更令舊債走數嘅機會上升，銀行更危險，存戶更快擠提‥‥‥惡性循環。 喺咁嘅情況下，資金流將會非常之難預測。雖然救市嘅方法，都係萬變不離其宗，首先搵個市場覺得比自己更有食力嘅靠山，例如更大嘅銀行，甚至政府。 如果連個政府都唔掂，就搵其他盟友政府，如果連佢哋都頂唔順，就叫央行印銀紙還。不過，最弊就係你唔知佢哋幾時先出手，同出手時會否手腳笨拙，令資產價格進一步雪上加霜。 呢點緊要嘅原因，係就算因為你係我支明燈嘅fan屎，一早已經買白銀同揸cash等機會，你都要記得我個前輩曾經分享過嘅說話：「肥仔，當年1973年，恒指由1,700點跌落來，跌到落400點時，其實死嘅人唔多。死得最多人，係嗰啲仲估400點已見底，衝入市嘅人，因為最後恒指要跌到150點先至見底。 太早入，雖然已避大災，都一樣可以輸清光。」呢個8月將會非常刺激。 作者為前石油業證券分析員，視股市為終生學習，不斷交學費。  

本文章內容之版權由AM730所有。

投資回顧

市場環境

美國債傾掂數, 但又到意大利債務, 大家開始對債務問題擔心;  

睇多左 blog 既分析, 都幾有道理的, 當全世界都借錢拖數, 到一個無可收拾既階段, 就會爆.

不過人係善忙, 還唔到再借, 過一排氣氛好番, 大家可能又唔記得;

呢個世紀泡沫真係無人知, 不過都真係要提防下 !!

美股仲未跌完, 歐州又跌, 聽朝開市都唔樂觀 ~~

股仔今日表現

強勢股(強勢保持)

398    東方錶  -2.2%    今日升跌爭持, 終於回一回了, 強勢是否改變, 還未可定論, 先等等竹;

1068  雨潤     -0.4%    開市一跌, 慢慢又升番, 都估佢升唔長, 希望回一回再升過吧;

1072  東方電機  -0.37%    同1068,  開市一跌又慢慢升番, 都算幾強

868    信義玻璃  -1.86%   中午回得唔錯, 收市又跌過, 長遠人受;

弱勢股票:

2233  西部水泥   -3.7%  水泥板塊都唔 okay, 今日又試新底, 午後先回番 d .....

2369  中國無線   -5.0%  沉下沉下, 今日順勢回到近期底位, 1.52, 唔知聽日穿埋定回彈 ?!

持平股票:

1280  滙銀           0.0%  跌過下, 又回番;  無乜點move

855  中國水務     +0.4%  開市一跌, 慢慢又升番, 希望可以保持

觀察名單

215  今日回番少少, 市況咁差, 唔知有冇力破 2.95,  會唔會真係破唔到, 回番去 2.5 ?!

3323   今晚發盈喜, 中期淨利增長 over 200% ,  大跌左咁多, 聽日應該可以拉番上去;

716   回番1日, 今日又跌, 睇黎板塊下跌, 真係拖累得好緊要........

股市反映預期而不是過去 (引 "死牛戒毒所" 網誌)

股市是展望未來的地方，股價的升跌是取決於市場對股票未來盈利能力的預期，而不是看過去的盈利水平來決定股價。當一檔股票今天公布了業績，那一份業績在今天就已成過去，市場就會開始展望未來，而重定股票新的估值。因此，市場的預期才是股價升跌的主因，不理那個預期最終有沒有實現。當一個很好的業績由預期變成印在財務報表上的事實時，最好的一段上升走勢很多時都已經走完。

評論一檔股票的盈利能力，應該要抱前瞻性的態度。那一檔股票歷史P/E>90倍，可能今年的預期P/E只是<20倍。漠視股票目前甚至是未來的盈利增長能力，而只用倒後鏡來觀察，只會增加錯過好股而買入廢股的機會。而觀察一檔股票的盈利數字時，也要記得考慮一些特殊非現金性或者一次性的收入或虧損，那才能看到真相。
http://nodeadcow.blogspot.com/2011/08/blog-post_03.html

人類史上最大的泡沫 (引骷髏會火燎森網誌)

投資者每一次經歷泡沫爆破，由幾百年前荷蘭熱炒鬱金香的泡沫開始，到近期百年一遇的金融海嘯，人類都會覺得「是次泡沫已經是最大型了」。不過我認為，史上最大的泡沫尚未爆破，而且已經多次響起警號，金融海嘯只是是次泡沫的其中一響警鐘。   每一次泡沫形成都一定與透支有關係，而這次泡沫卻是透支人與人之間的信心。在個人層面有誠信的人雖然少，但比例上會多過有誠信的公司，而有誠信的公司雖然更少，但比例上更一定多過有誠信的國家，因為當事件涉及更加多人的個人利益，不負責任及不合邏輯的行為就更容易發生，那就是戳破泡沫的利針。   美元究竟是甚麼呢？通常我們認為是貨幣。但想深一層，這其實是一叠欠單，我們正拿著這叠欠單去交易、去借貸、去投資。大家樂此不疲。這種態度及謬誤其實正在透支人類對貨幣的信心，而歐元亦不比美金好得多，各國為了加入歐元區不惜誇大造假，到底歐羅是貨幣還都是欠單呢？只有到爆了煲才知道了．．．   意大利有債務危機，其實已經令到不少投資者大跌眼鏡，意大利是歐元區第三大經濟體系，實力僅次於德國及法國，希臘、愛爾蘭及西班牙GDP合計亦不及半個意大利。單憑德國一己之力能救到整個歐元區嗎？或者說，會願意救整個歐元區嗎？   現在我們在說的危機舒緩，其實只不過是順利再借多一點錢，透支問題只在加大，並沒有減少。當大家將壞消息當好消息去演譯，結果永遠只得一個。   除了浸淫及享受在短暫的泡沫之中，其實還有一個方法可以自保一時，下篇再談！ http://www.snb.hk/blog/front/blogdetail.aspx?blogid=31&postid=38621 續上文, 如果有點印象的老讀者, 應該記得03-07年筆者是鼓勵投資股票的, 06-10年亦建議朋友有能力就置業, 但這半年, 筆者卻不太肯定………….   現在可以抗滯漲方法可能只有兩大方向,   短期內, 在大市爆煲前, 於股市裏尋找有機會作大反彈的行業, 選最易受惠的股票, 盡量賺一筆錢然後收手幾年, 以觀其變.   長遠是穩固自己生意或專注工作, 讓動盪的市場公正地給你應有的回報.   大家又會怎樣面對? http://www.snb.hk/blog/front/blogdetail.aspx?postid=38024&blogid=31

分析咁多不如趁勢

同 d fd 傾開, 呢期買股,  基本分析再多再好都無乜用, 市場唔 buy 你就係唔 buy 你;   

大行一出聲, 公司無事無趕股價都可以無左一大半,  1068 雨潤,  2233 西部水泥, 538 味千  跌左都上唔番黎;

有更多更係無風起浪, 無事無趕都一落千丈, 868  信義玻璃,  2342  京信通信都係好例子;

無論公司前景有幾好, PE 幾底幾吸引,  市場對佢無信心就係無信心.

所以呢 d 時間, 零願買d  升勢股, 好過買 d 勁 drop, 股價連跌幾日去到超賣, 可能仲會超超賣; 
398 真係越升越有, 今日跌市佢都只係橫行, 完全唔想回 收!
尋日唔係好有信心既 215 今日逆市升, 唔知過唔過到 2.95 關口, 市場好似對佢幾有信心, 升勢可能形成!

從價值投資, 以下的都很吸引, 但行業板塊問題, 無人買就係無人買, 幾抵買都係無用;  

1361   361度,   連跌2日收市 @ 3.8    PE 6.64,  息率 5%,  年業務增長 20%

855    中國水務,  下跌幾日,   @2.55   PE8.8, 息率 2%, 去年業務增長增長40%

716    獅勝貨櫃,  之前大跌2日,  @2.86   PE9.57,  息率2.8%,  中期出盈喜
2128  聯塑  ,  1101 熔盛重工 今日都跌 6~7%  

建材板塊 - 3323 觀察中

建材板塊上年年頭一直強勢, 隻隻發盈喜升左一輪, 好多都破新高,  近期回落番好多;

3323 好多大行都唱好, 但破新高後都無乜力, 一直回左好多日;
上次大回係6月份,  100天線有支持 , 現在100天線去到 14.66,  睇下佢回唔回到去呢個位再考慮下先;

航運板塊 - 716 觀察中

今晚美國出左建造指數, 2年來新底, 中國 / 歐州採購經理指數都 below 50,   可見生產真係麻麻;
美股收市都應該唔好, 聽日到香港可能又回一回;

航運板塊俾 2866 拖底左, 今日升市都無乜點升跌;
716 明明業績 okay , 都被板塊拖累, 前2日仲跌得多個人, -3% and -6% 今日回番 4.4%
都幾大升大跌, 聽日航運板塊實再跌, 716 到 2.58 真係可以諗諗;

投資回顧

今日工作忙碌, 去左深圳開會半日, 夜晚夾 band, 但都不能忘記 review 一下我 d 股仔;

市場環境

美國債傾掂數, 同上個 wk 一樣, 搞掂歐債就升, 今日個市都升過 350 點;

股仔今日表現

398    東方錶  +4.4%    市差, 橫行, 市好, 再升, 強勢股 keep 住先;    新 set 目標,  6.6~6.9;

1068  雨潤     -2.2%      由22.0 沖上黎 24 蚊, 開始要整固, 有向下風險, 但仍有上升趨勢;

1072  東方電機  +0%   上到28蚊又要橫行下, 目標 30 不變;

868    信義玻璃  -5.3%  弱開業績 +30% 都要跌, 毛利率由39%降至35.3%, 係幾難接受;

持平股票:

1280  滙銀           (上左 1.6 又無乜力, 1.52~1.6)

2233  西部水泥   (上左 2.6 又無乜力, 2.5~2.6)

2369  中國無線    ( 1.7  浮沉中,  1.62~1.72)

賣走左既股票  

1020  耐華    -7%     破左 1.2 trade range,  繼續跌, 市好都連跌 3日,  忍痛 cut lost 0.99 賣了,  第二日回彈 1.12 升 12%,  連續2日回番 2% 及 7%,   短線走勢麻麻, 下跌軌道未破,  公司前景 OK, 但股價未必反應, 觀察下先再入番;

981    中芯    +2%  大升大跌,  2% 只係好少;  升唔番上去, 賣左套現再投資;

868 個人都仲睇好:

1) 國內浮法玻璃市場仍然波動，CEO 稱下半年毛利率會有改善;

    而全國保障房可能在本年底對浮法玻璃的需求有較大的剌激作用, 以量取勝, 公司毛利始終係升;

2) 下半年的汽車玻璃出口業務比較樂觀;

3) 下半年仲有光伏上市, 可能大家都唔太熟光伏玻璃, 其實毛利率超高, 賣去外國超好賣, 是很好既業務, 公司前景真的十分好;

公司好還好, 好業績都跌 5%, 唔可以同市場作對, 觀察下幾時跌停先;

215 半年好業績, 可保持強勢 ??

好友黑丁對 215 中期業績作分析, 我個人不是十分看好 !!
我個人睇法, 215 唔會係一隻長升長有既強勢股;

http://heilding.blogspot.com/2011/08/blog-post.html?showComment=1312219578353#c5230780430944954397



個人分析
年頭都係 iphone 概念, 追315落後, 215升左3個月, 4月出左業績, 業績並無 315 咁理想, 股價即刻回落, 一回仲由 2.95 跌番去 2.2, 去年10月既底位; 可見1~3月好多人入貨炒高都係炒消息; 當無利好消息, 就好多炒家散貨走人; 估計215為短線投資者居多;

而家8月出中期業績, 5月開始有人吸貨, 係2.4~2.5 橫行左2個月, 7月底仲跳高一級去到2.8, 已經升左15%! 從上面既分析, 估計 215 不少投資者都係短線投資為主, 同時都可能等消息炒高; 而家出左中期業績, 毛利升幅係唔錯, 但短時間未必再有再好既利好消息, 可能升力未必可維持.

如果 2.8入, 要升穿高位 2.95, 相信會有很大阻力; 但要跌番去 2.5 真係唔出奇, 炒唔起就會回; 潛在升幅5%,潛在跌幅 10%, 博唔過!!

零售股長炒長有, 應該同內地人消費有關,真係唔休做;
但 iphone 4市佔已咁多, 就算出　iphone5, 又真係可以令 215, 315 越做越多??